Waa Maxay Cilmiga Falsafada Siyaasada “Political philosophy”

Falsafadda siyaasada, oo sidoo kale loo yaqaan aragtida siyaasadeed, waa cilmiga barashada mowduucyada ay ka mid yihiin siyaasadda, xorriyadda, caddaaladda, hantida, xuquuqda, sharciga, iyo hirgelinta shuruucda awoodda.

Falsafada siyaasada waa laan falsafadeed, sidoo kale waxay qayb weyn ka qaadataa cilmiga siyaasada, taasoo xooga saaraysa taariikhda fikirka siyaasadeed iyo aragtida siyaasadeed ee casriga ah. Falsafadda siyaasadeed waa daraasadda su’aalaha aasaasiga ah ee ku saabsan dowladnimada, dowladda, siyaasadda, xorriyadda, caddaaladda iyo hirgelinta sareynta sharciga.

Cilmiga falsafada waxay jawaabo badan ka bixisaa su’aalo u baahan in aadanaha ay ka jawaabaan sida “Waa maxay dowlad?” “Maxaa dowladaha loogu baahan yahay?” “Maxaa dowlad ka dhiga sharci?” “Waa maxay xuquuqaha iyo xorriyadda ay tahay in dowlad ay difaacdo?” “Waa maxay waajibaadka muwaaddiniinta ku leeyihiin dawlad sharci ah? iyo “Goormaa ayaa dawlad sharci ahaan loo afgambi karaa?”

Falsafada siyaasadeed waxaa lagu qeexi karaa fikir falsafadeed oo ku saabsan sida ugu wanaagsan ee loo diyaarin karo nolosheenna wadajirka ah – hay’adaheena siyaasadeed iyo dhaqamadeena bulsheed, sida nidaamkeena dhaqaalaha iyo qaabka nolosha qoyska.

Falsafada siyaasadeed ayaa lagu dhaqmayay ilaa iyo inta bini aadamku u arkayay abaabulkooda wadareed inaysan u muuqan karin mid qayb ka ah nidaamka dabiiciga ah laakiin ay macquul tahay inay u furan yihiin isbadal, sidaa darteedna ay ugu baahan yihiin saadaalin falsafadeed.

Masuuliyiinta dowladda iyo aqoonyahaanada siyaasiinta ah waxaa wanaagsan in marwalbo ay ka shaqeeyaan dhisida caddaalad lagu wada kalsoonaan karo, dastuur hoos yimaada caddaalada iyo simnaanta, iyo difaacida xaquuqda nolosha bulshada noocyadeeda kala duwan, xoriyada, hantida dadweynaha, sidoo kale fursad-siinta hal-abuurayaasha ganacsiga iyo horumarka. Sidaas awgeed bulsho walbo oo caalamka kamid ah waxay u baahan yihiin rag matala oo ka shaqeeya danaha jiritaankooda.

Haddii aad u baahan tahay sharaxaad dheeri ah halkaan ka daawo.

Tixraac: https://www.rep.routledge.com/articles/overview/political-philosophy/v-1

https://www.philosophybasics.com/branch_political.html


Si aad u aragto dhammaan cilmiga noocyadiisa kala duwan waxaad u baahan tahay oo kali inaad riixdo sawirka hoose

Facebook Comments